Nostalgie d'enfance

Je suis tombé sur une page d'un blog mta3 waHed tounsi esmou 'el clandestin'
(apperemment il raconte sa vie sur son blog). mais quand j'ai vue ces photos et j'ai lu cette note ça m'a plongé dans des souvenirs d'enfance.
je me vois dans tout ce qu'il a écrit ( ayyamète al primaire el wahed 9addèch kén chitan ellotf )!!

vous connaissez kitab al 9ira'a mta3 elsana an oula?



voici des scènes où chacun de vous ( surtout les garçons ) va se reconnaitre dedans:

scène 1: al ma7foudhat

قفوا , اجلسوا
الكلاندستان الى السبورة ...
"اعوذ بالله "

الخريفو
ها قد أتى الخريفو ...
.......
الخريفو
ها قد أتى الخريفو...

- يا خي حافظ و الا مش حافظ ؟؟
- و الله حفظتها انيسة, اما نسيتها
- باهي يالله اعرض اش حفظت

الخريفو
ها قد أتى الخريفو...

-وقف حمار الشيخ في العقبة , تحب نجيو ندزو معاك ؟؟ اشنية الانشودة اللي حافظها
-انستي حفظت نشيد العود الى المدرسة
-باهي تبارك الله عليك ايا سمّعنا العودة الى المدرسة

العودة الى المدرسة
عطلة الصيف انتهت وانتهى وقت الكسل
فلنـســـــارع للدّرس ولنـــبادر بــــالعمل
شهر اكتوبر أتــــى مرحــــبا يا مرحبا
عاد طلاب العلوم حامــلين الكــــــــتب

- احسنت, احسنت , عد الى مكانك .

هذية بالطبيعة ماهياش القصّة الاصلية لانو الوقائع التاريخية و اخر الحفريات تقول اللي الكلاندستان كلا ما تيسّر من ضرب المسطرة يومها و روح بخطيّة في جيبو (نشيد الخريف مكتوب عشرين مرّة في ورقة مضاعفة

الحقيقة التاريخية هو كون الضرب كان عنصر اساسي من العملية التربوية و الكل مرّ بتجربة الضرب بدرجة متفاوتة, و الكلاندستان رغم التفوّق الغير عادي متاعو تعرض الى مظالم تحكيمية كبيرة و خذا نصيبو من عصا المعلّم و من ضرب الزملاء و الزميلات (لهنا العملية متبادلة في نطاق سياسة تعاونية حكيمة)
فالمعارك بين الفروخ كانت رائجة برشة في تلك الايام , و على عكس العالم الوردي متاع كتاب القراءة فعالم الصغار وقتها كان يطبّق قانون الغابة , القوي يفك ارزاق الضعيف (بيس و تصاور و فلوس و لمج و اقلام الزينة و الغوم بارفيمي و البرّايات على شكل كرهبة) حوت ياكل حوت , و كيما في مجتمع الكبار فعند الصغار كانت القاعدة الذهبية هي انصر اخاك ظالما او مظلوما ...
و الكلاندستان بحكم غياب كتف صحيح على خاطرو كبير اخواتو كان في اكثر الاحيان يواجه مصيرو بكل شجاعة و يتصدّى للعدوان متاع بقية الفروخ ببسالة غير عادية. و عادة ما تتطور الامور للضرب بالحجر و الجري في قلب الكياس بين الكراهب,
و اسوأ سيناريو هو انو يروّح للدار بحوايجو مغبرين و مطبّعين و جيب الطبلية مقطع , و إلاّ يلقى بو زميلو سبقو يشكي , و هذاك سيناريو الله لا يوريه لحبيّب ...الله يسترنا


و في المدرسة فمّ زادة البنات ....و فم البنيّة الصفاقسية (اشبّ وحدة في القسم) اللي تضرب فيها الكلاندستان و كان يجبرها باش تقعد بحذاه في القسم رغم سخرية بقية الفروخ اللي يشوفوها عقوبة انو وليّد يقعد بحذا بنيّة في القسم, و حتى اللي يجبرو المعلم باش يبدل بلاصتو و يقعد مع طفلة فيشد اقصى الكرسي و يخزر خزرة تهديد و وعيد لشلة السوء اللي يتبولدو عليه من اخر القاعة .
و الاكيد انو الطفلة الصفاقسية كانت مضروبة في

الكلاندستان لانها كانت تقعد بحذاه في ساحة المكتب و ساعات تضربلو الكرتابل و تطيحها من يدو باش يبدى هو يجري في جرّتها و يشدّها من الطبلية و ساعات يشدها من شعرها و في القسم يركحوها عركة بالسبابط تحت الطاولة , اماالمعزّة كانت موجودة والمحبّة واضحة ...يا حسرة عل المحبّة, ...*

الباهي وقتها أنو الناس الكل كانت كيف كيف, ما فمّاش شكون جاي يقرى ببوتابل متاع 500 الف , الناس الكل تكتب بالاردوازة و
بالطباشير, الناس الكل وجوهم و ايديهم مغبّرة بالطباشير , ارفعو اللوحة انزلو اللوحة
الناس الكل يستعملو كراسة نومرو 8 و نومرو 12 و نومرو 24...غلاف اخضر و غلاف ازرق... اوراق ملوّنة و أقراص و أعواد و نقود مزيّفة ,

ما عندك الحق الا في استعمال ستيلو البيك الازرق اللي كان دمّو سخون و فيسع يفيض و يمشّي الدنيا بالحبار... و ممنوع استعمال الستيلو الاحمر و الاخضر ( بداية التدرّب على اللعبة الديمقراطية و زرع العادة الحميدة متاع اللون الواحد).

و فمّة زادة التدريب على الاقتصاد , ففي كل مرّة يمشي الكلاندستان باش يشري سبّاط او سبادري كان يروّح بسبّاط اكبر منو , على خاطر السيّد الوالد كان يقنعو انو نظرا لسرعة النمو التاي (قياس) متاع ساقيه باش يتغير في شهر و الا في شهرين , و يدخّلو فيها اعتبارات الشتاء و الكلاسط الخشينة ...فاذا شرى حاجة "قد قد" يحتمل بعد مدة ماعادش تجي قدّو .
وهي في نهاية الامر اعتبارات واهية بالنسبة للكلاندستان , اش مدخلو في سرعة النمو و تطور حجم ساقيه , الاعتبار الوحيد عندو هو انو سباط يكون ملائم لحياة الجري و العرك و التكوير في الكياس , و وقت اللي يشوط الكورة ما يتنطّرش السبّاط من ساقو باش الفريق الاخر ما ياخوش كوفران.


*=البنيّة الصفاقسية حسب اخر المعطيات تخرّجت صيدلية و تزوّجت ...ربي يهنّــي

looool ya 7asra ala carrassa noumrou 8 avec table de multiplication au dos !!




alors? ça vous rappelle quand meme quelque chose non?

racontez vos souvenirs et vos bétises à l'école

ما عندك الحق الا في استعمال ستيلو البيك الازرق اللي كان دمّو سخون و فيسع يفيض و يمشّي الدنيا بالحبار... و ممنوع استعمال الستيلو الاحمر و الاخضر ( بداية التدرّب على اللعبة الديمقراطية و زرع العادة الحميدة متاع اللون الواحد).

Trop forte walah
ena quand j'etais a l'ecole kont 9raya barcha ama nekil yessir traya7 "nchawech" w chnowa tachwichi 3ad "ye5i marwen y7eb zouhour ??" "rit slim howa w houda !!" "rit asma tejri wra yessin!!" "haifa ser9et el feutre mta3i ".....etc ,et j'etais amoureuse de Yassine paske le seul eli athka meni mais howa ken y7eb wa7da sfe9ssia "ptét la copine de clandestin " bref kont dima ncharbakha binethom et je lui envoyais des lettres anonymes n9olou "rahi ma t7ebekch rahi juste elle veu tes stylos" mais ma nfa3 chay j'ai vecu en enfance 7ob men taraf wehed raghm tawafod el mo3jbin
je me souviens aussi des instit ken si nourdin dima yittheweb w re9ed si abd erraze9 dima yathreb meme sans raisons w si lotfi 5ali 3zeha sket ..sans oublier ejary w erkith dans la cour
ya 7asra walah keske j'aimerais y retourner meme pour une journée...
merci Ché pour ce moment de nostalgie

chellet assou2.......bonjour les problèmes ....on a truqué...j'avais explosé le nez d'un...piquant les images .. 9lam dkhall 3 ou 5 cm fi edderiere mta Houssem. nafoura damm ettfoll hazzouh direct ygharrzoulou. ...

kont machrou3 moujrem hèyel yé Ché!! (ellotf 3lik bien sur) ama wallah 9teltni b dho7k surtt enti w simo




bkolna konna 3amlin b 3mayelna, èna cont telmitha najiba tipik ama f 2ème année primaire marra 3adhit etofla elli to93od wara men sbo3ha - 1 lé 9Assithoulha wallahi mé sayebtou ella mé 5dhit kef men 3ind el mou3alem déjà la trace mta3 el bague mté3ou b9a 5 jours f wejhi

w barcha fazat f كراس التناوب kif mé ya3jebnich 5ati n9atta3 el war9a w nrawa7 biha l eddar n3awed 3la mahli w kèn el moudir 7atet (3la toul el 3am) cha9a9a f west essa7a 3la korsi za3ma ylem f tabarrou3at (w houwa ylem fiha lih ) w èna bien sur netbarra3, kol youm déja: hahou chwaya trab, chwaya 5nèfess, 3oudèn....7asilou kol chey ella el flous ama pr les histoires d'amour eeeeeh yé 7Asra èna w Med amine weld jarna konna 3amlin b3mayelna w 6 ans mé no93dou ken tawla wa7da , 7ata mché l frança w 5alèni
mara zèda el 7Al chté w famma barcha mé f ettri9, 7Asilou a7na 3amlin des pierres pr kon puisse passer au trottoir 7assilou èna nal3ab en passant d'une coté à une autre, 7asilu jiit 3la rassi w tnafa5t w yedi tjar7et dmèyèt w 7ala techki l rabi... mé rawa7tech l eddar , o contraire kamalt etri9 lel 9asm (cété 3ème année) w kif ratni el mou3alma 9atli èch bik???? je lui ai dit fama 9attous an9adhtou men tri9 kent karhba bèch to9tlou ya5i dharbetni èna!! imaginer la maitresse 7atetni 3al estrade w 9alet le 9asm yè9ef w ysaffa9 3liya 5 min w zèded jèbet les maitres w directeur bèch yetfarjou 3la el basèla w chajè3a mtè3i. wejhi wella tamtouma w 7chemt wallit 9olt l 79ii9a (gariit 3la rou7i!!!). ya5i la maitresse sé senti trahi 5allèt les autres raw7ou w 3tatni tri7a nabèch el 9bour

ama 9belhom el kol kif 9riit fel cotteb (3zizi houwa el meddeb mta3na allah yar7mou) 3melt 3mèèyel!!!! ommi 7atetni fel kotteb w èna 3indi 3 ans et qq mois awel marra, hani m3akom lé tensèwni w 93adt nemchi lel cotteb 7ata w èna na9ra fel mekteb kol youm na3mel talla yé 7Asraaaaaa ma7lèhm hak el ayamèt 5ali 7kèyèt el bicyclette w mes accidents avec la 103 après

ma7lèh esoghr

PS: très originel ce clandestin

tunChé a écrit:ena kont telmidh najib amma yesser mouchédheb.

koll youm tréHa, koll youm

j'en ai fais les conneries à l'école.
dkhalt lel madrssa à l'age de 6ans comme tout le monde apres 2 ans de kottèb,

-1ere année: Rien à signaler, l'élève brillant en avance par rapport à son age, timide qui ne parle pas beaucoup.
-année primaire: mon cousin est venu de tunis on s'est retrouvés ds la mème classe : bonjour le problèmes
* on a truqué la chaise mta3 madame Twili : elle s'est posée sur la chaise et là, tji stall, tahett ala wejj'ha meskine elle a
pris des jours de repos?
* mon cousin 3tatou el mou3allma tréha bel mastra (je ne sais plus pourquoi) khawadh'ha bel bké, ba3d ma skett mché
rfa3ha bmochta.
-3émé année: toujours Mme twili nous enseigne le français, mon cousin a changé d'école, mais j'ai fais la connaissance b'chellet assou2 : wajdi et mokhtar et là c'est encore pire. koll youm nrawaH dammi yejri wettablia m9att3a...

cette année ils nous ont fais une pause de 10 min le matin. et pendant ces 10 min là el cours twalli sa7et 7arb , ça a duré une semaine et ils ont annulé cette pause parce que j'avais explosé le nez d'un autre éleve par accident : sta3t fih wahna netjaraw.

-4eme année: pas grande chose. si on était fun des tssawer vous vous souvenez les images cartonnée qui représentaient des animaux
(10 frank el ka3ba) et on fesait des jeux si tu gagne tu prends les images de ton adversaire. pour nous ces images c'était un
trésor.
un amis m'a a eu l'idée d'aller de se ravitailler en piquant les images quon trouve ds les dossiers préparés par les élves ( milaff
7awl al 7ayett el barriya, etc) . on est partis dans une école voisine 'madrast el fat7' et on a commencé à arracher les images
dans les pochètes qui étaient collés sur le mur. wahna hakkéka koll wahed fou9 tawla ns9ou fittsawer, wenHess ken byedd
taHbet ala ketfi, mil faj3a direct bolt fi sérouéli. bref on nous a emmenés au directeur de notre école m. Nacer elLbib allah
yarHmou, cheddna fil coin werka7 fina bel kaff ( mr elLbib khoffou t9oul alih bala tbarkallah).
-5eme année: klite akbar tré7a fi 7ayeti : la peine capitale fil l'enseignement, 3raftouhéch ??? et oui el FAL9A cet instrument qui a été interdit
des écoles tunisiennes dans les années 80. la punition a été instaurée spécialement pour moi. bien sur 3malt 3amla kbiira bech
nekel el fal9a, haw bech na7kilkom:
c'était un matin, séance de français, ce jour là la maitresse a corrigée l'Auto-dictée, tunChé premier de la classe donc kont
je regardais par la fenetre en meme temps kont Nebrii fi 9lam eRSas pendant des heure 7atta line walla mthabbeb kell ebra.
jétni fekra jouhannamiya :
bjanbi 7oussém c'était le gros de la classe w yesser na9nou9,ken wé9ef yna99al fil correction missabboura. netlaffet
neghmez chaker wraya, chaker y9a33ed Houssem "O93ed rakk tbarkalla alik wetzid ta9ef ! tkhabbi el tableau el koll)
en meme temps ena 7attit el 9lam wé9ef ala el korsi , 7oussém kel3ada mayo93odch doucement 3al korsii, hasilou 93add
el 9lam dkhall 3 ou 5 cm fi edderiere mta Houssem. nafoura damm ettfoll hazzouh direct ygharrzoulou.

wéna w chaker KO beddho7k.
kahaw klite el fal9a (avec un fouet) en publique

bref, c'était peutetre grave ce qu'on faisait on était pas conscient du danger. Mais ces moments restent les meilleurs moments de ma vie ...
ah si on pouvait remonter le temps ......